കെ.എസ്.ഇ.ബി.എല്ലിന്റെ സുരക്ഷാ അട്ടിമറികൾക്കും ഇലക്ട്രിക്കൽ ഇൻസ്പെക്ടറേറ്റ്, ക്ഷേമനിധി ബോർഡ് എന്നിവയുടെ മെല്ലെപ്പോക്കിനും സർക്കാർ അവഗണനയ്ക്കുമെതിരെ AKLWA സമരത്തിലേക്ക്; ഫെബ്രുവരി 5-ന് സെക്രട്ടേറിയറ്റ് ധർണ്ണ.
കേരളത്തിലെ ലൈസൻസ്ഡ് ഇലക്ട്രിക്കൽ തൊഴിലാളികൾ നേരിടുന്ന കടുത്ത നീതിനിഷേധത്തിനെതിരെയും കെ.എസ്.ഇ.ബി.എൽ (KSEBL) നടപ്പിലാക്കുന്ന സുരക്ഷാ വിരുദ്ധ നയങ്ങൾക്കെതിരെയും AKLWA അതിജീവന പോരാട്ടത്തിലേക്ക് കടക്കുകയാണ്. ഇതിന്റെ ഭാഗമായി ഫെബ്രുവരി 5-ന് രാവിലെ 10 മണിക്ക് തിരുവനന്തപുരം സെക്രട്ടേറിയറ്റ് പടിക്കൽ ധർണ്ണ സംഘടിപ്പിക്കും.
സംഘടന മുന്നോട്ട് വെക്കുന്ന പ്രധാനപ്പെട്ട ആവശ്യങ്ങൾ താഴെ പറയുന്നവയാണ്:
I. കെ.എസ്.ഇ.ബി.എൽ (KSEBL) & സുരക്ഷാ അട്ടിമറികൾക്കെതിരെ
804/2025 കരിനിയമം പിൻവലിക്കുക: സുരക്ഷാ പരിശോധനകൾ ഒഴിവാക്കിക്കൊണ്ടുള്ള അശാസ്ത്രീയമായ BO(FTD) No.804/2025 ഉത്തരവ് ഉടനടി റദ്ദാക്കുക.
നിയമവിരുദ്ധമായ ‘Self Declaration’ അവസാനിപ്പിക്കുക: വൈദ്യുതി കണക്ഷനുകൾക്ക് ടെസ്റ്റ് റിപ്പോർട്ടുകൾക്ക് പകരം ഉപഭോക്താവിന്റെ സ്വയം സാക്ഷ്യപ്പെടുത്തൽ അംഗീകരിക്കുന്ന രീതി നിർത്തലാക്കുക.
Electricity Act 2003 നടപ്പിലാക്കുക: കേന്ദ്ര നിയമത്തിലെ സുരക്ഷാ മാനദണ്ഡങ്ങൾ ലംഘിക്കുന്ന KSEBL നടപടികൾ തിരുത്തുക.
പഴയ ഇൻസ്റ്റലേഷനുകളുടെ പരിശോധന: വൈദ്യുത അപകടങ്ങളും. തീ പിടുത്തംങ്ങളും വർധിക്കുന്ന സാഹചര്യത്തിൽ 15 വർഷത്തിലധികം പഴക്കമുള്ള കെട്ടിടങ്ങളിൽ അംഗീകൃത ലൈസൻസികളുടെ സുരക്ഷാ പരിശോധനയും സർട്ടിഫിക്കറ്റും നിർബന്ധമാക്കുക.
Ksebl. ഒരുമ പോർട്ടൽ പരിഷ്കരണം: അഡീഷണൽ ലോഡ് നൽകുമ്പോൾ പുതിയ കോൺട്രാക്ടറുടെ പേര് ചേർക്കാൻ സോഫ്റ്റ്വെയറിൽ സൗകര്യം ഒരുക്കുക.
II. ഇലക്ട്രിക്കൽ ഇൻസ്പെക്ടറേറ്റ് & സാങ്കേതിക ആവശ്യങ്ങൾ
SOP നടപ്പിലാക്കുക: ഇലക്ട്രിക്കൽ ഇൻസ്പെക്ടറേറ്റിലെ ലൈസൻസ് പുതുക്കൽ ഉൾപ്പെടെയുള്ള സേവനങ്ങൾക്ക് കൃത്യമായ സമയപരിധി നിശ്ചയിക്കുക.
ലോഡ് പരിധി ഉയർത്തുക: C-ക്ലാസ് ലൈസൻസിയുടെ ലോഡ് പരിധി 25 KW ആയും, B-ക്ലാസ് മിനിമം 50 KW ആയും ഉയർത്തുക.
ടെസ്റ്റ് റിപ്പോർട്ട് എണ്ണം വർദ്ധിപ്പിക്കുക: C-ക്ലാസ് ലൈസൻസികൾക്ക് പ്രതിവർഷം നൽകാവുന്ന കംപ്ലീഷൻ റിപ്പോർട്ടുകളുടെ എണ്ണം 75 ആയി വർദ്ധിപ്പിക്കുക.
വയർമാന്മാരുടെ എണ്ണം: 10 വർഷം പൂർത്തിയാക്കിയ C-ക്ലാസ് കോൺട്രാക്ടർമാർക്ക് 2 വയർമാന്മാരെ ചേർക്കാനുണ്ടായിരുന്ന അനുവാദം പുനഃസ്ഥാപിക്കുക.
വകുപ്പുകളുടെ ഏകോപനം: ഇലക്ട്രിക്കൽ ഇൻസ്പെക്ടറേറ്റ്, ksebl.തൊഴിൽ വകുപ്പ്, തദ്ദേശ സ്വയംഭരണ വകുപ്പ് എന്നിവയുടെ ഏകോപനം ഉറപ്പാക്കി സുരക്ഷാ നിയമങ്ങൾ കർശനമാക്കുക.
III. ക്ഷേമനിധി ബോർഡ് & ഇൻഷുറൻസ്
പെൻഷൻ വർദ്ധിപ്പിക്കുക: നിർമ്മാണ തൊഴിലാളി ക്ഷേമനിധി പെൻഷൻ 5000 രൂപയായി വർദ്ധിപ്പിക്കുക.
ക്ഷേമനിധി കുടിശ്ശിക: മുടങ്ങിക്കിടക്കുന്ന ആനുകൂല്യങ്ങളും പെൻഷനും യുദ്ധകാലാടിസ്ഥാനത്തിൽ വിതരണം ചെയ്യുക.
ഇൻഷുറൻസ് പരിരക്ഷ: ജോലിസ്ഥലത്തെ അപകടങ്ങളിൽപ്പെടുന്ന തൊഴിലാളികൾക്കും പൊതുജനങ്ങൾക്കും സർക്കാർ ഇൻഷുറൻസ് പരിരക്ഷ ഉറപ്പാക്കുക.
IV. പൊതുവായ ആവശ്യങ്ങൾ
അനധികൃത കടന്നുകയറ്റം തടയുക: സിവിൽ കോൺട്രാക്ടർമാർ ഇലക്ട്രിക്കൽ ജോലികൾ ഏറ്റെടുക്കുന്നത് നിരോധിക്കുക. പൊതുമരാമത്ത് (PWD) പദ്ധതികളിൽ ലൈസൻസ്ഡ് തൊഴിലാളികളുടെ പങ്കാളിത്തം ഉറപ്പാക്കുക.
പരിശോധനാ സ്ക്വാഡുകൾ: ലൈസൻസില്ലാത്തവർ വയറിംഗ് ചെയ്യുന്നത് തടയാൻ ജില്ലാതലത്തിൽ പ്രത്യേക പരിശോധനാ സ്ക്വാഡുകൾ രൂപീകരിക്കുക.
CEA റെഗുലേഷൻ 2025: പുതിയ റെഗുലേഷൻ നടപ്പിലാക്കുമ്പോൾ തൊഴിലാളികളുടെ തൊഴിൽ സുരക്ഷയ്ക്ക് സർക്കാർ രേഖാമൂലം ഉറപ്പ് നൽകുക.
ഫെബ്രുവരി 5-ന് നടക്കുന്ന ധർണ്ണ ശ്രീ. വി. ജോയ് MLA ഉദ്ഘാടനം ചെയ്യും. ശ്രീ. കെ. ബാബു MLA, ലൈസൻസിങ് ബോർഡ് മെമ്പർ ശ്രീ. പി.സി. വിഷ്ണുനാഥ് MLA ലൈസൻസിങ് ബോർഡ് മെമ്പർ തുടങ്ങിയവർ ഐക്യദാർഢ്യം പ്രഖ്യാപിച്ച് സംസാരിക്കും.
ഓൾ കേരള ലൈസൻസ്ഡ് വയർമെൻ സൂപ്പർവൈസസ് ആൻഡ് കോൺട്രാക്ടർസ് അസോസിയേഷൻ(AKLWA)( Reg:277/72) സംസ്ഥാന കമ്മിറ്റി
