തിരുവനന്തപുരം : അദൃശ്യമായത് ദൃശ്യമാക്കുമ്പോഴാണ് മാധ്യമപ്രവര്ത്തനം അര്ത്ഥവത്താകുന്നതെന്ന് മുന് ചീഫ് സെക്രട്ടറി ശാരദാ മുരളീധരന്. മൂന്നാമത് ശോഭാശേഖര് വനിതാ മാധ്യമ പുരസ്കാര സമര്പ്പണവും ശോഭാ ശേഖര് അനുസ്മരണവും നിര്വഹിക്കുകയായിരുന്നു ശാരദാ മുരളീധരന്. 25001 രൂപയും പ്രശസ്തി പത്രവും ഫലകവുമടങ്ങുന്ന പുരസ്കാരം ഏഷ്യാനെറ്റ് ന്യൂസിലെ ഏയ്ഞ്ചല് മേരി മാത്യു ഏറ്റുവാങ്ങി.
പ്രസ് ക്ലബ് പ്രസിഡന്റ് എസ് ശ്രീകേഷിന്റെ അധ്യക്ഷനായി.നഗരസഭ ടൗണ് പ്ലാനിംഗ് കമ്മിറ്റി ചെയര്മാന് പാറ്റൂര് രാധാകൃഷ്ണന് മുഖ്യ പ്രഭാഷണം നടത്തി. മാങ്ങാട് രത്നാകരന്, പി വി മുരുകന്, ഡോ.ബാബു ഗോപാലകൃഷ്ണന്, അനില് അടൂര് തുടങ്ങിയവര് സംസാരിച്ചു. പ്രസ് ക്ലബ് സെക്രട്ടറി പി ആര് പ്രവീണ് സ്വാഗതവും ശോഭാശേഖര് മെമ്മോറിയല് ഫാമിലി ട്രസ്റ്റ് ചെയര്മാന് സോമശേഖരന് നാടാര് നന്ദിയും പറഞ്ഞു.
അദൃശ്യമായത് ദൃശ്യമാക്കുന്നതാവണം മാധ്യമപ്രവര്ത്തനം: ശാരദാ മുരളീധരന്
RELATED ARTICLES
